Sentyabrın 13-də ADA Universitetində “Azərbaycan Respublikası Qaçqınların və Məcburi Köçkünılərin İşləri üzrə Dövlət Komitəsinin statsitik və analitik potensialının gücləndirilməsi üzrə dəyirmi masa” müzakirəsi keçirilib.
Tədbir “Azərbaycan Respublikasının işğaldan azad edilmiş ərazilərinə Böyük Qayıdışa dair Dövlət Proqramı”nın Tədbirlər Planının 3.1.1. bəndinin icrası çərçivəsində reallaşdırılıb. Müzakirələrə bir sıra dövlət qurumlarının (Azərbaycan Respublikası Prezidentinin Xüsusi Nümayəndəlikləri, İqtisadiyyat Nazirliyi, Elm və Təhsil Nazirliyi, Mədəniyyət Nazirliyi, Gənclər və İdman Nazirliyi, Energetika Nazirliyi, Qaçqınların və Məcburi Köçkünlərin İşləri üzrə Dövlət Komitəsi, Kiçik və Orta Biznesin İnkişafı Agentliyi, Azərbaycan Respublikası Məcburi Köçkünlərin Sosial İnkişafı Fondu və s.), həmçinin vətəndaş cəmiyyəti institutlarının nümayəndələri qatılıblar.
Elm və Təhsil Nazirliyinin İqtisadiyyat İnstitutunun baş direktoru, professor Nazim Müzəffərli (İmanov) və İnklüziv sosial inkişaf şöbəsinin müdiri, iqtisad elmləri doktoru Rəsmiyyə Abdullayeva müzakirələrdə fəal iştirak ediblər, çıxış edərək təklif və tövsiyələrini bildiriblər.
