ETN İqtisadiyyat İnstitutunda Azərbaycan Respublikası Nazirlər Kabinetinin 14 may 2026-cı il tarixli sərəncamı ilə təsdiq edilmiş “2026-cı il üçün doktorant hazırlığı üzrə Azərbaycan Respublikasının ali təhsil müəssisələrinə, elmi müəssisə və təşkilatlara qəbul”a əsasən fəlsəfə doktoru proqramı üzrə doktoranturaya sənəd qəbulu başa çatıb.
ETN İqtisadiyyat İnstitutunun Təhsil şöbəsinin müdiri, i.f.d. Ellada Xankişiyeva economics.org.az saytına müsahibəsində bildirib ki, 7 ixtisas üzrə 25 plan yerinə qarşı sənədləri qəbul edilmiş 70 nəfər iddiaçı mübarizə aparacaq.
“Xarici dil” imtahanı 25.06.2026-cı il tarixində keçiriləcək. Həmin imtahanı müvəffəqiyyətlə vermiş şəxslərin “Fəlsəfə” fənni üzrə imtahanı 1-3 sentyabr 2026-cı il tarixlərində olacaq. “Fəlsəfə” fənnindən “məqbul” alan şəxslərin ixtisas imtahanlarında iştirakı təmin olunur. İxtisas imtahanları isə 8–10 sentyabr 2026-cı il tarixlərində keçiriləcək.
