Elm və Təhsil Nazirliyinin İqtisadiyyat İnstitutunun aparıcı elmi işçisi Tanrıverdi Paşanın müəllifliyi ilə “Azərbaycan Respublikasının sosial-iqtisadi göstəriciləri beynəlxalq reytinqlərdə” adlı analitik-statistik bülleten işıq üzü görüb.
Nəşrin elmi redaktoru iqtisad elmləri doktoru Rəsmiyyə Abdullayeva, rəyçiləri iqtisad elmləri doktoru Leyli Allahverdiyeva və dosent Ələsgər Sarıyevdir.
İqtisadiyyat İnstitutu Elmi Şurasının qərarı ilə çap olunan bülletenin buraxılışı üçün məsul şəxs dosent Təbriz Yadigarovdur.
Analitik-statistik büllüten Azərbaycan Respublikasının sosial-iqtisadi inkişafının beynəlxalq reytinq təşkilatlarının dünya ölkələr üzrə tərtib etdikləri ən vacib reytinq və indeks göstəricilərini əhatə edən məlumatların toplanılması və təhlili əsasında hazırlanmışdır.
Bülleten elmi işçilər, ali məktəb müəllimləri, magistr və doktorantlar, iqtisadçı ekspert və mütəxəssislər üçün nəzərdə tutulmuşdur.
“Azərbaycan Respublikasının sosial-iqtisadi göstəriciləri beynəlxalq reytinqlərdə”
