23 may 2024-cü il tarixində AMEA-nın Rəyasət Heyətinin binasında Ekologiya və Təbii Sərvətlər Nazirliyi, Elm və Təhsil Nazirliyi və Azərbaycan Milli Elmlər Akademiyasının birgə təşkilatçılığı ilə “Azərbaycanda ətraf mühitin sağlamlaşdırılmasında Ümummilli Lider Heydər Əliyevin rolu” mövzusunda elmi-praktiki konfrans keçirilmişdir.
Konfransda ETN İqtisadiyyat İnstitutunun əməkdaşları, Təhsil şöbəsinin müdiri, i.f.d. Ellada Xankişiyeva, aparıcı elmi işçi, i.f.d., dosent Mətanət Abdalova, Post-konflikt ərazilərin bərpası elmi mərkəzinin böyük elmi işçisi Səbinə Əsədova, kiçik elmi işçilər Cavanşir Burhanzadə və Nigar Namiq iştirak ediblər.
M.Abdalova “İşğaldan azad olunmuş ərazilərin ekoloji problemləri”, S.Əsədova “Rəqəmsallaşma və yaşıl iqtisadiyyat – Heydər Əliyevin innovasiya əsaslı siyasətinin uğurlu davamı kimi”, C.Burhanzadə “Azərbaycanın post-konflikt ərazilərində “yaşıl enerji” sektoru üçün xarici investisiya mənbələri”, N.Namiq isə “İşğaldan azad olunmuş ərazilərdə yaşıl turizmin inkişaf perspektivləri” adlı təqdimatlarla konfransın müxtəlif bölmələrində çıxış ediblər (economics.org.az).
