Martın 29-da ETN İqtisadiyyat İnstitutunun Dissertasiya Şurasının iclası keçirilib.
Şuranın sədri, i.e.d., professor Nazim Müzəffərlinin sədrliyi ilə keçirilən iclasda Milli Aviasiya Akademiyasının doktorantı Adil Əli oğlu Qasımovun 5312.01- “Sahə iqtisadiyyatı” ixtisası üzrə “Keyfiyyət menecmenti sisteminin aviadaşımaların səmərəliliyinin artırılmasına təsiri (SW Group” müəssisələrinin timsalında)” mövzusunda, iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müzakirəsi aparılmışdır.
İddiaçı barədə Dissertasiya Şurasının elmi katibi, i.f.d. Sevda Seyidova məlumat verdikdən sonra A.Qasımov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb.
Sonda A.Qasımovun iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
