AMEA İqtisadiyyat İnstitutunun “Sahibkarlıq və inhisarçılığın tənzimlənməsi problemləri” şöbəsinin aparıcı elmi işçisi, iqtisad üzrə fəlsəfə doktoru, dosent Ramil Əliyevin və böyük elmi işçi Sevda Mahmudovanın “Azərbaycanda kiçik sahibkarlığın inkışafı” kitabı çapdan çıxıb.
İqtisadiyyat İnstitutunun Elmi Şurasının tövsiyəsi ilə nəşr edilən əsərin elmi redaktoru iqtisad elmləri dokrotu, professor Tərbiz Əliyev, rəyçiləri iqtisad üzrə fəlsəfə doktoru, dos. Əbdül-Səməd Həsənov, iqtisad üzrə fəlsəfə doktoru, dosent Məzəddin Əyyubovdur.
Monoqrafiyada AR Dövlət Statistika Komitəsinin çoxillik statistik məlumatlarından istifadə edilməklə kiçik sahibkarlığın xüsusiyyətləri və ölkə iqtisadiyyatının inkişafında rolu, hüquqi tənzimlənməsi; Azərbaycanda kiçik sahibkarlığın bütün sahibkarlıq subyektlərində və özəl sektorda payı, iqtisadi fəaliyyət sahələri, eləcə də, emal sənayesində və regionlar üzrə inkişafını xarakterizə edən əsas göstəriciləri təhlil edilmişdir. Habelə kiçik sahibkarlığın maliyyə təminatının vəziyyəti araşdırılmış, nöqsanlar aşkar edilmiş, onların aradan qaldırılması istiqamətləri göstərilmiş, kiçik sahibkarlığın inkişafına dair təkliflər irəli sürülmüşdür. Kitab sahibkarlıq strukturlarının rəhbər işçiləri və mütəxəssislər, magistrantlar və doktorantlar üçün nəzərdə tutulmuşdur (economics.com.az).
