“Gömrük statistikası və müasir informasiya texnologiyaları” kitabı çap olunub

 AMEA İqtisadiyyat İnstitutunun “Qloballaşma və beynəlxalq iqtisadi münasibətlər” şöbəsinin böyük elmi işçisi, iqtisad üzrə fəlsəfə doktoru Təbriz Yadigarovun “Gömrük statistikası və müasir informasiya texnologiyaları” adlı monoqrafiyası çapdan çıxıb. İqtisadiyyat  İnstitutunun  Elmi Şurasının  qərarı ilə çapa tövsiyyə  olunmuş  nəşrin elmi redaktorları AMEA-nın müxbir üzvü, iqtisad  elmləri  doktoru, professor Akif  Musayev və AR Dövlət Gömrük Komitəsi Akademiyasının elmi işlər üzrə rəis muavini, iqtisad elmləri doktoru, professor Cəmilə  Namazovadır. Kitabın rəyçiləri isə iqtisad elmləri doktoru Sakit  Yaqubov, iqtisad elmləri doktoru, professor Arif Şəkərəliyev və iqtisad üzrə fəlsəfə doktoru, dosent Kamran Abdullayevdir.

  17 fə­sil­dən iba­rət olan mo­noq­ra­fi­ya­da gömrük sta­tis­ti­kası və in­for­ma­si­ya texno­lo­gi­ya­larının pred­me­ti, ob­yek­ti, məq­sə­di, cə­miy­yət­də ro­lu və ye­ri, xa­ri­ci ticarə­tin gömrük sta­tis­ti­kasın­da il­kin mə­lu­mat­ların emalı üsul­ları, sta­tis­tik cəmləmə və qrup­laşdır­ma, xa­ri­ci ti­ca­rə­tin gömrük sta­tis­ti­kasın­da in­deks me­to­du, struk­tur in­dek­si, xa­ri­ci ti­ca­rə­tin gömrük sta­tis­ti­kasın­da amil üsu­lu və sta­tis­tik kəmiy­yət­lər, di­na­mi­ka sıra­ları və on­ların növlə­ri, gömrük sta­tis­ti­kasın­da ti­ca­rət sis­tem­lə­ri və təs­ni­fat ba­zası, Azər­bay­can Res­pub­li­kasın­da xa­ri­ci ti­ca­rə­tin gömrük sta­tis­ti­kası me­to­do­lo­gi­yasının tətbiqi ilə sta­tis­tik də­yə­rin he­sab­lan­ması və s. verilmişdir. Habelə AR Dövlət Gömrük Ko­mi­tə­si­nin av­to­mat­laşdırılmış in­for­ma­si­ya sistemi, gömrük sta­tis­ti­kasın­da in­for­ma­si­ya tex­no­lo­gi­ya­larının, o cümlə­dən blokçeyn tex­no­lo­gi­yasının tət­bi­qi­nin üstün və çatış­ma­yan cə­hət­lə­ri və EVi­ews proq­ram pa­ke­tin­də gömrük üzrə da­xi­lol­ma­ların dövlət büdcə­si­nə tə­si­ri­nin sta­tis­tik təh­li­li və qiy­mət­lən­di­ril­mə­si­nə aid mə­sə­lə­lə­rin nə­zə­ri və prak­ti­ki əsas­ları şərh edilmiş­dir.

 Mo­noq­ra­fi­ya ali mək­təb­lər­də “Gömrük sta­tis­ti­kası və in­for­ma­si­ya texnologiyaları”, “Gömrük ver­gi və rüsum­larının bey­nəl­xalq təcrü­bə­si”, “İqti­sa­di təh­lil və audit”, “Gömrük işi­nin təş­ki­li”, “Eko­no­met­ri­ka” fən­lə­ri­nin tədrisin­də, hökumət qurumlarında, res­pub­li­ka­da hazır­la­nan məq­səd­li proqramlarda, gömrük əmə­liyyatlarının sə­mə­rə­li­li­yi ilə bağlı el­mi araşdır­ma­ların aparıl­masın­da, həm­çi­nin tədqi­qatçı­lar üçün faydalı ola bilər (economics.com.az).   

Kitabın elektron variantı - “Gömrük statistikası və müasir informasiya texnologiyaları” (yüklə)