Mayın 5-də Azərbaycan Texnologiya Universitetində (ATU) Ümummilli Lider Heydər Əliyevin anadan olmasının 103 illiyinə həsr olunmuş “Beşinci sənaye inqilabına doğru - universitetlərin rolu, çağırışlar və imkanlar” mövzusunda beynəlxalq elmi-praktik konfrans keçirilib.
Tədbir 25 ölkə, 88 universitet, 22 tədqiqat institutu və bir sıra dövlət və özəl müəssisələrin iştirakı ilə baş tutub. Konfrans materialları toplusuna 767 (154-ü xaricdən) tezis qəbul edilib. Elm və Təhsil Nazirliyi İqtisadiyyat İnstitutunun aparıcı elmi işçisi, dosent Emin Məmmədzadə konfaransa onlayn formatda qatılaraq “"Milli innovasiya sisteminin inkişaf istiqamətləri" adlı məruzə ilə çıxış etmişdir.
