ETN İqtisadiyyat İnstitutunun “Regional inkişaf və təbii sərvətlərdən istifadə problemləri” şöbəsinin əməkdaşları i.f.d., dosent Nəsimi Əhmədov, i.f.d. Vilayət Ramazanov, Tural Məmmədov və Svetlana Nəcəfli 13-15 noyabr, 2025-ci ildə Bakı Dövlət Universiteti (BDU) və Türkiyənin Kilis 7 Aralık Universitetinin təşkilatçılığı ilə keçirilən Emidworld III Beynəlxalq İqtisad, Maliyyə, Biznes və Sosial Elmlər Konqresində iştirak ediblər.
BDU-da keçirilən tədbirdə N.Əhmədov “Azərbaycanın Dünya Enerji Trilemma İndeksində enerji təhlükəsizliyi üzrə mövqeyinə neft-qaz resurslarının təsirinin qiymətləndirilməsi”, V.Ramazanov “İnnovatov kənd təsərrüfatı: regionların sosial-iqtisadi inkişafı və ərzaq təhlükəsizliyi”, S.Nəcəfli “Qarabağ iqtisadi rayonunda sosial iqtisadi inkişafın mövcud vəziyyəti”, T.Məmmədov isə “Naxçıvan Muxtar Respublikasının turizm potensialının qiymətləndirilməsi” mövzusunda təqdimatla çıxış ediblər. Bütün iştirakçılara sertifikatlar təqdim edilib.
