Dekabrın 15-də keçirilən ETN İqtisadiyyat İnstitutunun Elmi Şuranın iclasında elmi tədqiqatların keyfiyyətinin yüksəldilməsi və bunun üçün əməkdaşların əlavə stimullaşdırılması məqsədi ilə Zəfər Bayramına həsr olunmuş, 2025-cü ildə İnstitutda yerinə yetirilən plan elmi-tədqiqat işlərinin müsabiqəsinin nəticələri elan olunub.
İnstitutun baş direktoru, prof. Nazim Müzəffərli qaliblərin adlarını açıqlayıb və onlara müvafiq diplomları təqdim edib. İnstitutun elmi işçiləri və elmi şöbələri arasında keçirilən müsabiqənin qaliblərinə pul mükafatları verilib.
Beləliklə, elmi şöbələr arasında müsabiqənin qalibi “Xarici iqtisadi fəaliyyətin tənzimlənməsi” şöbəsi olub (şöbə müdiri, professor Fuad Qənbərovdur).
Əməkdaşlar arasında müsabiqədə İlqar Sadıqov və Mətanət Abdalova 1-ci, Vəfa Həşimova, Yunus Sadıqov və Minarə Ağayeva 2-ci, Firdovsi Şahbazov, Samirə Abbasova, Dilman Əsədov, Tanrıverdi Paşa və İsgəndər Babazadə 3-cü yerləri tutublar (economics.org.az) .
Qalib gəlmiş məqalələrin məzmununun qısa xülasəsi
