Oktyabrın 17-də ETN İqtisadiyyat İnstitutunun Dissertasiya Şurasının iclasında Azərbaycan Kooperasiya Universitetinin dissertantı Təhməzov Mübariz Adil oğlunun 5311.01 – “Müəssisələrin təşkili və idarə edilməsi” ixtisası üzrə “Sənaye müəssisələrində korporativ idarəetmə sisteminin təkmilləşdirilməsi” mövzusunda iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi keçirilib.
Professor Rəna Sultanovanın sədrliyi ilə keçirilən iclasda iddiaçı M.Təhməzov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
