Oktyabrın 10-da ETN İqtisadiyyat İnstitutunun Dissertasiya Şurasının iclasında İqtisadiyyat İnstitutunun doktorantı Abbasov Namiq Rəsul oğlunun 5307.01 – “İqtisadi nəzəriyyə” ixtisası üzrə “İnnovasiyalı iqtisadi artımın reallaşma imkanları və vasitələri” mövzusunda iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi keçirilib.
İclasda iddiaçı N.Abbasov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
