Elm və Təhsil Nazirliyinin İqtisadiyyat İnstitutunda əməkdaşların elmi-tədqiqat plan işlərinin yerinə yetirilməsi üzrə illik hesabatlarının elmi şöbələrdə müzakirəsi təşkil olunur.
6-7 oktyabr 2025-ci il tarixlərində İnstitutun “İnklüziv sosial inkişaf” şöbəsinin müdiri, i.e.d., professor Rəsmiyyə Abdullayevanın sədrliyi ilə elmi əməkdaşların illik hesabatları dinlənilib. Şöbənin ümumi tədqiqat mövzusu “Azərbaycan Respublikasında inklüziv sosial inkişafın gücləndirilməsi istiqamətində təklif və tövsiyələrin hazırlanması”dır.
Şöbə müdiri prof. R.Abdullayeva şöbədə yerinə yetirilən elmi-tədqiqat plan işləri barədə danışıb, müzakirənin keçirilməsinin əhəmiyyətini qeyd edib. Aparıcı elmi işçi, i.f.d. Firdovsi Şahbazov “Azərbaycanda sosial müdafiə sisteminin təkmilləşdirilməsi istiqamətləri”, aparıcı elmi işçi, i.f.d. Jalə Əliyeva “Azərbaycan Respublikasında əlilliyi olan şəxslərin həyat keyfiyyətinin yaxşılaşdırılması yolları”, aparıcı elmi işçi, i.f.d. Vəfa Həşimova “Azərbaycan Respublikasında pensiya sisteminin dayanıqlığının təmin edilməsi yolları”, böyük elmi işçi, i.f.d. Elnur Zeynalov “Azərbaycan Respublikasında əhalinin sosial vəziyyətinə inflyasiyanın mənfi təsirinin azaldılması yolları”, böyük elmi işçi, i.f.d. Aygün Təhməzli “Azərbaycan Respublikasında dövlətin sosial xərclərinin iqtisadi səmərəliliyinin artırılmasında mütərəqqi dünya təcrübəsindən istifadə imkanlarının müəyyənləşdirilməsi”, böyük elmi işçi Amaliya Allahverdiyeva “Azərbaycan Respublikasında sosial yardım sisteminin təkmilləşdirilməsi istiqamətləri”, elmi işçi Mələk Əliyeva “Azərbaycan Respublikasında sosial sığortanın tənzimlənməsində dövlət-özəl əməkdaşlığının gücləndirilməsi istiqamətləri”, elmi işçi Günəş Nəbiyeva “Azərbaycanda sosial rifah və iqtisadi inkişaf arasında əlaqənin gücləndirilməsi istiqamətləri” mövzularında hesabat məruzəsi ilə çıxış ediblər. Hesabatlar ətrafında müzakirələr aparılıb, təklif və tövsiyələr verilib.
