Sentyabrın 26-da ETN İqtisadiyyat İnstitutunun Dissertasiya Şurasının iclasında Odlar Yurdu Universitetinin doktorantı İbrahimli Mətin Bayram Şirazi oğlunun 5308.01 – “Ümumi iqtisadiyyat” ixtisası üzrə “Azərbaycanda xidmət sferasında innovasiya mexanizmlərinin tətbiqi istiqamətləri” mövzusunda iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi keçirilib.
İclasda iddiaçı M.İbrahimli dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
