Sentyabrın 9-da ETN İqtisadiyyat İnstitutunun doktoranturasına iqtisadiyyat üzrə fəlsəfə doktoru hazırlığı proqramı üzrə ixtisas fənnindən qəbul imtahanlarına start verilib. Bu gün 2 ixtisas üzrə imtahanlar aparılıb. Sentyabrın 10-11-də daha 5 ixtisas üzrə imtahanlar olacaq.
2025-ci ildə İqtisadiyyat İnstitutunda doktoranturaya qəbul planı 7 ixtisas üzrədir: Daxili fiskal siyasət və dövlət maliyyəsi, Texnoloji innovasiyalar iqtisadiyyatı, İqtisadi nəzəriyyə, Ümumi iqtisadiyyat, Dünya iqtisadiyyatı, Sənayenin təşkili və dövlət siyasəti, Sahə iqtisadiyyatı.
İnstitutun direktoru, professor Nazim Müzəffərlinin (İmanov) sədrliyi ilə müvafiq imtahan komissiyaları yaradılıb.
İqtisadiyyat İnstitutunun Təhsil şöbəsinin müdiri, i.f.d. Ellada Xankişiyeva bildirib ki, imtahanlarda doktorturaya qəbul üzrə ingilis dili və fəlsəfə fənnlərindən uğurla keçmiş iddiaçılar iştirak edir. Doktoranturaya qəbul olanların adları yaxın günlərdə açıqlanacaq (economics.org.az).
