Azərbaycan Respublikası Elm və Təhsil Nazirliyinin İqtisadiyyat İnstitutunun “Monetar və fiskal tənzimləmə problemləri” şöbəsinin müdiri, i.e.d. Yaşar Məmmədov tərəfindən hazırlanmış, İnstitutun Elmi Şurasının qərarı ilə çapa tövsiyə olunmuş bu bülleten, ölkənin fond bazarına dair əhatəli bir baxış təqdim edir.
“Azərbaycanda fond bazarının inkişafı” bülleteni - 2023” son illərdə bu sahədə baş verən mühüm dəyişiklikləri, əldə edilən irəliləyişləri və gələcək inkişaf imkanlarını təhlil edir. Burada həm yerli, həm də beynəlxalq statistik mənbələrə əsaslanaraq, fond bazarının hazırkı vəziyyətini obyektiv şəkildə qiymətləndirilir. Təhlillər Azərbaycan Respublikasının Mərkəzi Bankı və Dövlət Statistika Komitəsinin rəsmi məlumatları ilə yanaşı, beynəlxalq maliyyə qurumlarının statistik bazalarına istinadən hazırlanıb. Bülletendəki qrafik və diaqramlar da etibarlı mənbələrə söykənir.
Bülleten iqtisadçılar, maliyyə və investisiya sahəsində çalışan mütəxəssislər, tədqiqatçılar, biznes dairələrinin nümayəndələri və fond bazarına marağı olan oxucular üçün dəyərli bir mənbədir.
“Azərbaycanda fond bazarının inkişafı” bülleteni - 2023”
