Mayın 30-də ETN İqtisadiyyat İnstitutunun Dissertasiya Şurasının iclasında Azərbaycan Memarlıq və İnşaat Universitetinin dissertantı Yusif Cavad oğlu Binnətovun 5312.01 - “Sahə iqtisadiyyatı” ixtisası üzrə “Azərbaycanın tikinti sahəsində iqtisadi münasibətlərin formalaşması və təkmilləşdirilməsi” mövzusunda iqtisad elmləri doktoru elmi dərəcəsi almaq üçün təqdim etdiyi dissertasiya işinin müdafiəsi üzrə müzakirəsi aparılmışdır.
Professor Rəna Sultanovanın sədrliyi ilə keçirilən iclasda iddiaçı Y.Binnətov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
