Bakı Avrasiya Universitetində 29 aprel - 5 may tarixlərində “SDG HƏFTƏSİ” çərçivəsində “İqtisadiyyat, Humanitar fənlər və regionşünaslıq” kafedralarının birgə təşkilatçılğı ilə “Yoxsulluğun bütün formalarına hər yerdə son qoymaq” mövzusunda tədbir keçirilib. Tədbiri giriş sözü ilə “Regionşünaslıq və iqtisadiyyat” fakültəsinin dekanı, dosent Mütəllim Rəhimov açaraq dünyada yoxsulluğun azaldılmasının zəruriliyi barədə danışıb.
Elm və Təhsil Nazirliyinin İqtisadiyyat İnstitutunun “İnklüziv sosial inkişaf” şöbəsinin müdiri, i.e.d. Rəsmiyyə Abdullayeva “Yoxsulluğun azaldılmasında sosial sahibkarlığın rolu”, “Xidmət sferasının iqtisadiyyatı” şöbəsinin müdiri, i.f.d., dos. Pərviz Həsənov isə “Azərbaycanda həyat keyfiyyəti” mövzularında çıxışlar ediblər.
Tədbirdə Bakı Avrasiya Universitetinin beynəlxalq məsələlər üzrə prorektoru, dosent Sevda Rzayeva, “İqtisadiyyat” kafedrasının müdiri, i.f.d., dos. Vüsalə Nağıyeva, habelə Universitetin müəllim və tələbə heyəti iştirak ediblər. Tədbirin sonunda R.Abdullayevaya və P.Həsənova fəal iştiraklarına və cıxışlarına görə Bakı Avrasiya Universitetinin "Təşəkkürnamə"si təqdim edilib.
