Fevralın 12-də Elm və Təhsil Nazirliyinin İqtisadiyyat İnstitutunun Elmi Şurasının növbəti iclası keçirilmişdir. Baş direktor, professor Nazim Müzəffərlinin sədrliyi ilə keçirilən toplantıda bir sıra elmi və təşkilati məsələlər müzakirə edilmişdir.
İclasda İnstitutun elmi katibi, i.e.d. Leyli Allahverdiyeva “Azərbaycanda informasiya cəmiyyətinin formalaşdırılması (informasiya xidmətlərinin liberallığı və rəqabətqabiliyyətliliyi)” mövzusunda yazdığı monorafiyanın əsas məzmunu ətrafında təqdimatla çıxış edib. Tədqiqatın başlıca xüsusiyyətləri, əsərdə nəzəri yanaşmalar, təhlil və qiymətləndirmələr, beynəlxalq müqayisələr, əldə olunan əsas nəticələr, irəli sürülən təkliflər barədə danışıb. Azərbaycanda informasiya cəmiyyətinin formalaşdırılması məsələləri, informasiya xidmətlərinin liberallaşdırılması istiqamətində atılan addımlar, həyata keçirilən islahatlar, o cümlədən rəqəmsallaşma və informasiyalara əlçatanlıq, müasir informasiya bazarındakı əsas trendlər qeyd olunub.
Mövzu ətrafında geniş müzakirələr aparlıb, suallar cavablandırılıb. “Azərbaycanda informasiya cəmiyyətinin formalaşdırılması (informasiya xidmətlərinin liberallığı və rəqabətqabiliyyətliliyi)” adlı monoqrafiya çapa tövsiyə edilib.
Sonra Elmi katib İqtisadiyyat İnstitutunun şöbələrinin 2024-cü ildə nəşr olunmuş elmi əsərləri haqqında statistik məlumatları təqdim edib. Şöbələr üzrə bu sahədəki vəziyyət müzakirə olunub, təklif və tövsiyələr səsləndirilib.
İclasda iki dissertantın elmi rəhbərinin dəyişdirilməsi məsələsi də müzakirə edilib, iddiaçıların iştirakı ilə ərizləri də nəzərə alınmaqla müvafiq qərarlar verilib (economics.org.az).
