Oktyabrın 9-da Azərbaycan Respublikası Elm və Təhsil Nazirliyinin İqtisadiyyat İnstitutunun bir qrup əməkdaşı Naxçıvan Dövlət Universitetinin (NDU) İqtisadiyyat və İdarəetmə fakültəsində olublar. Fakültənin dekanı i.f.d., dosent Əşrəf Ələkbərov və "Beynəlxalq ticarət və menecment" kafedrasının müdiri, i.f.d., dosent Cavadxan Qasımov qonaqları fakültənin fəaliyyəti, tədris prosesi ilə tanış ediblər.
İqtisadiyyat İnstitutunun alimləri NDU-nun İqtisadiyyat və İdarəetmə fakültəsinin müxtəlif qruplarında təhsil alan yuxarı kurs tələbələri üçün açıq dərs keçiblər. Professor Fuad Qənbərov “Fransa müstəmləkəçiliyinin iqtisadi nəticələri”, i.f.d., dosent Mahir Zeynalov “Azərbaycanda sahibkarlığın inkişafı meyilləri və biznesə dövlət dəstəyi siyasəti”, i.f.d., dosent Famil Rüstəmov “Aqrar siyasət və ərzaq təhlükəsizliyi problemləri”, i.f.d., dosent Pərviz Həsənov “Naxçıvan MR-da həyat kefiyyəti göstəriciləri” mövzularında mühazirələr oxuyublar. Tələbələrin sualları cavablandırılıb, mövzular ətrafında maraqlı diskussiya aparılıb (economics.org.az).
