İyunun 27-də Elm və Təhsil Nazirliyinin İqtisadiyyat İnstitutunda 5311.01 – “Müəssisələrin təşkili və idarə olunması” ixtisası üzrə elmi seminar keçirilmişdir. Seminarda İqtisadiyyat İnstitutunun doktorantı Rahim Fərahim oğlu Sadıqovun iqtisad üzrə elmlər doktoru elmi dərəcəsi almaq üçün təqdim etdiyi “Sənaye müəssisələrində strateji idarəetmənin modernləşdirilməsi” mövzusunda dissertasiya işinin müzakirəsi aparılmışdır.
İ.e.d. Aqil Əsədovun sədrliyi ilə baş tutan iclasda R.Sadıqov dissertasiya işinin əsas məzmunu ətrafında geniş təqdimatla çıxış edib. Sonra rəyçilərin rəyi dinlənilib. İddiaçı sualları cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.org.az).
