İyunun 14-də Elm və Təhsil Nazirliyinin İqtisadiyyat İnstitutunda Azərbaycan Respublikasının İnsan Hüquqları üzrə Müvəkkilinin (Ombudsmanın) "İnsan Hüquqları Aylığı"nın elan olunması ilə bağlı maarifləndirici tədbir keçirilib.
Tədbiri giriş sözü ilə açan ETN İqtisadiyyat İnstitutunun baş meneceri Şakir Alıyev bildirib ki, Umummilli Lider Heydər Əliyev tərəfindən 1998-ci il iyunun 18-də ölkəmizdə ilk "İnsan huquqlarının müdafiəsinə dair Dövlət Proqramı” təsdiq olunmuş ve insan huquqlarının təmini dövlət siyasətinin əsas istiqamətlərindən biri kimi müəyyən edilmişdir. Bu siyasəti uğurla inkişaf etdirən ölkə Prezidenti İlham Əliyevin 2007-ci il 18 iyun tarixli Sərəncamı ilə iyunun 18-i Azərbaycan Respublikasında İnsan Hüquqları Günü kimi təsis edilmiş və artıq 17 ildir hər il qeyd olunur. İnsan Hüquqları üzrə Müvəkkili (Ombudsman) tərəfindən 18 may - 18 iyun tarixləri ölkə ərazisində "İnsan Hüquqları Aylığı” elan edilərək paytaxtda və regionlarda insan hüquqlarını təbliğ edən müxtəlif aktual mövzularda maarifləndirmə tədbirləri keçirilir.
Sonra İqtisadiyyat İnstitutunun Həmkarlar Təşkilatının sədri Pərviz Həsənov insan hüquq və azadlıqlarının qorunmasında həmkarlar hərakatının rolu, işəgötürənlərin və işçilərin hüquq və vəzifələri, əmək hüquqları, İqtisadiyyat İnstitutunun hüquqşünası Xəyal Feyzullayev insan hüquqları sahəsində ölkəmizin tərəfdar çıxdığı beynəlxalq müqavilələr, Dayanıqlı İnkişaf Məqsədləri, Azərbaycanda insan hüquqları, qüvvədə olan qanunvericilik aktları, dövlət proqramları, strategiyalar, milli fəaliyyət planları, konsepsiyalar, habelə bu kimi digər yerli və beynəlxalq əhəmiyyətli sənədlər barədə danışıblar.
Sonra mövzu ətrafında geniş müzakirələr aparılıb, suallar cavablandırılıb (economics.org.az).
