Aprelin 26-da Azərbaycan Respublikası Elm və Təhsil Nazirliyinin İqtisadiyyat İnstitutunun İnklüziv sosial inkişaf şöbəsinin müdiri, iqtisad elmləri doktoru Rəsmiyyə Abdullayeva Azərbaycan Memarlıq və İnşaat Universitetinin (AMİU) “Sənayenin təşkili və idarə edilməsi" kafedrasının dəvəti ilə, “Sosial sahələrin iqtisadiyyatı” fənninin tədris prosesinə dəvət olunmuş peşəkar mütəxəssis kimi təcrübə dərsi aparmışdır.
O, özünün təcrübi biliyini tələbələrlə bölüşmüşdür. R.Abdullayeva sosial rifah, yoxsulluğun azaldılması, sosial sahibkarlığın inkişaf etdirilməsi ilə bağlı təqdimatla çıxış etmiş, tələbələrin mövzu ilə bağlı suallarını cavablandırmışdır.
Dərsdə AMİU-nun “Sənayenin təşkili və idarə edilməsi” kafedrasının müdiri, i.f.d, dosent Rühəngiz Əliyeva və kafedranın müəllimləri iştirak ediblər. Qeyd olunub ki, bu cür tədbirlər universitetlərlə elmi tədqiqat institutlarının inteqrasiyası və faydalı əməkdaşlığı baxımından əhəmiyyətlidir (economics.org.az).
