AMEA İqtisadiyyat İnstitutunun aparıcı elmi işçisi, iqtisad üzrə fəlsəfə doktoru, dosent Nəsimi Əhmədov 30 noyabr - 11 dekabr 2020-ci il tarixində Avstriyanın Birləşmiş Vyana İnstitutunun təşkilatçılığı ilə Beynəlxalq Valyuta Fondunun Professional və Təşkilati İnkişaf İnstitutunun təqdim etdiyi “Təbii sərvətlərlə zəngin ölkələrdə makroiqtisadi tənzimləmə” mövzusunda beynəlxalq virtual təlim kursunda iştirak etmişdir.
Əvvəlcə Avstriyada ənənəvi qaydada keçirilməsi nəzərdə tutulan kurs Covid-19 pandemiyası səbəbindən onlayn rejimdə təqdim edilmişdir. İki 
həftəlik kursda makroiqtisadi siyasət məsələləri və təbii sərvətlərlə zəngin ölkələrin qarşılaşdıqları problemlər müzakirə olunmuşdur. İştirakçılara iqtisadi artım və diversifikasiyanın makroiqtisadiyyatı, vergi-büdcə siyasətinin idarə edilməsi, makroiqtisadi siyasətin koordinasiyası və təbii sərvətlərlə zəngin ölkələrdə dövlət sektorunun aktivlərinin idarə olunması barədə əhəmiyyətli məlumatlar verilmişdir. Kurs maraqlı və faydalı müzakirələr şəraitində keçmişdir (economics.com.az).
