Noyabrın 17-də Macarıstanın Tomori Pal Universiteti Microsoft Teams proqramı vasitəsi ilə “Elmdə mədəniyyətlərin görüşməsi – Gələcəyin elmi” adlı onlayn elmi konfrans keçirib.
Tədbirə Macarıstan, Türkiyə, Azərbaycan, Hindistan, Cənubi Afrika, Ukrayna, Qana və digər ölkələrin nümayəndələri qatılıblar.
Konfransda AMEA İqtisadiyyat İnstitutunun əməkdaşları – “Həyat səviyyəsinin sosial-iqtisadi problemləri” şöbəsinin müdiri, i.f.d., dos. Rəsmiyyə Abdullayeva və elmi işçi Vəfa Həşimli “Pensiya sisteminin liberallaşmasında demoqrafik amillərin rolu: ölkələrarası müqayisəli təhlil” mövzusunda çıxış ediblər.
Tədbirdə elmin müxtəlif sahələri (iqtisadiyyat, tarix, mədəniyyat, musiqi və s.) üzrə maraqlı müzakirlər aparılıb (economics.com.az).
