AMEA İqtisadiyyat İnstitutunun “Sahibkarlıq və inhisarçılığın tənzimlənməsi problemləri” şöbəsinin müdiri, i.e.d., professor Tərbiz Əliyevin və Bakı Biznes Universitetinin magistraturasını əla qiymətlərlə bitirmiş Aytən Əbdürrəhmanovanın “Neft maşınqayırma müəssisələrinin idarəetmə sistemində nəzarətin təşkili mexanizminin təkmilləşdirilməsi” adlı monoqrafiyası çap olunub. Kitabın elmi redaktoru prof. Tərbiz Əliyev, rəyçiləri professor Qənimət Səfərov, dosent Rəhim Sadıqov və dosent İsmayıl Həsənovdur.
Monoqrafiyada idarəetmə sistemində nəzarət funksiyasının növləri, təşkilinin zəruriliyi, prinsipləri, tədqiqi mərhələləri, neft maşınqayırma müəssisələrində həmin funksianın təşkilinin mövcud vəziyyəti, onun normativ-texniki təminatı, standartlaşdırılması səviyyəsi çoxillik statistik, ilkin uçot və hesabat sənədlərinin məlumatları əsasında təhlil edilib qiymətləndirilmişdir. Habelə orada mövcud nəzarət sisteminin təşkilati strukturunun idarəetmə səviyyələri üzrə mütərəqqi formalarını tətbiqinin vacibliyi və prinsipal sxemi, funksiyaları, vəzifələri formalaşdırılmış, nəzarət sistemi üzrə işçilərin əməyinin motivləşdirilməsi sisteminin təkmilləşdirilməsi yolları göstərilmişdir.
Monoqrafiya neft maşınqayırma müəssisələrinin rəhbər işçiləri, mütəxəssisləri, layihə menecerləri, magistrantlar və doktorantlar üçün nəzərdə tutulmuşdur (economics.com.az).
