Sentyabrın 5-də ETN İqtisadiyyat İnstitutunun Dissertasiya Şurasının iclasında İqtisadiyyat İnstitutunun dissertantı Əlişova Çinarə Akif qızının 5307.01 - “İqtisadi nəzəriyyə” ixtisası üzrə “İnsan kapitalının formalaşmasında səhiyyə sisteminin rolunun artırılması istiqamətləri” mövzusunda iqtisad üzrə fəlsəfə doktoru elmi dərəcəsi almaq üçün təqdim etdiyi dissertasiya işinin müdafiəsi üzrə müzakirəsi keçirilib.
İclasda iddiaçı Ç.Əlişova dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
