Mayın 2-də ETN İqtisadiyyat İnstitutunun Dissertasiya Şurasının iclasında ETN İqtisadiyyat İnstitutunun doktorantı Rahim Fərahim oğlu Sadıqovun 5311.01 – “Müəssisələrin təşkili və idarə olunması” ixtisası üzrə “Sənaye müəssisələrində strateji idarəetmənin modernləşdirilməsi” mövzusunda iqtisad elmləri doktoru elmi dərəcəsi almaq üçün təqdim etdiyi dissertasiya işinin müdafiəsi üzrə müzakirəsi aparılmışdır.
Professor Nazim Müzəffərlinin (İmanovun) sədrliyi ilə keçirilən iclasda iddiaçı R.Sadıqov dissertasiya işinin əsas məzmunu ətrafında geniş təqdimatla çıxış edib. Rəsmi opponentlərin rəyi dinlənilib. İddiaçı ona ünvanlanmış sualları cavablandırıb. Şuranın üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə Dissertasiya Şurası tərəfindən təsdiqlənib (economics.org.az).
