Martın 5-də İqtisadiyyat İnstitutunda i.e.d., prof. Anar Abbasovun sədrliyi ilə 5309.01 - “Sənayenin təşkili və dövlət siyasəti” ixtisası üzrə elmi seminar keçirilmişdir.
Seminarda iddiaçı Əsgərov Ramil Ramiz oğlunun iqtisad üzrə fəlsəfə doktoru elmi dərəcəsi almaq üçün təqdim etdiyi “Neft maşınqayırma sənayesində istehsal potensialından istifadənin yaxşılaşdırılması yolları” mövzusunda dissertasiya işinin müzakirəsi aparılmışdır.
İddiaçı dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.org.az).
