Fevralın 13-də İqtisadiyyat İnstitutunda prof. Fuad Qənbərovun sədrliyi ilə 5307.01-“İqtisadi nəzəriyyə” ixtisası üzrə elmi seminar keçirilmişdir.
Seminarda iddiaçı Əlişova Çinarə Akif qızının iqtisad üzrə fəlsəfə doktoru elmi dərəcəsi almaq üçün təqdim etdiyi “İnsan kapitalının formalaşmasında səhiyyə sisteminin rolunun artırılması istiqamətləri” mövzusunda dissertasiya işinin müzakirəsi aparılmışdır.
Ç.Əlişova dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.org.az).
