Elm və Təhsil Nazirliyinin İqtisadiyyat İnstitutunda əməkdaşların elmi-tədqiqat plan işlərinin yerinə yetirilməsi üzrə illik hesabatlarının elmi şöbələrdə müzakirəsi təşkil olunur.
Oktyabrın 28-də İnstitutun “Demoqrafiya və məşğulluq problemləri” şöbəsinin müdiri, AMEA-nın müxbir üzvü, Elm xadimi, i.e.d., prof. Şahbaz Muradovun sədrliyi ilə elmi əməkdaşların hesabatları dinlənilib. Şöbənin ümumi tədqiqat mövzusu “Demoqrafik vəziyyətin regional xüsusiyyətləri və məşğulluğun sosial-demoqrafik aspektlərinin tətqiqi”dir.
İclasda i.e.d., prof. Şahbaz Muradov “Azərbaycan Respublikasının iqtisadi rayonlarında demoqrafik vəziyyətin təhlili və qiymətləndirilməsi”, böyük elmi işçi Çingiz Baxış “Azərbaycan Respublikasının regionlarında əhalinin ölüm səviyyəsinin təhlili və qiymətləndirilməsi”, böyük elmi işçi Akifə Ağayarova “Azərbaycan Respublikasında əhalinin mexaniki hərəkətində (miqrasiyasında) baş verən dəyişikliklərin təhlili və qiymətləndirilməsi”, aparıcı elmi işçi i.f.d. Səbinə Şıxəliyeva “Azərbaycan Respublikasının iqtisadi rayonlarında nigah və boşanma səviyyəsində baş verən dəyişikliklərin təhlili və qiymətləndirilməsi”, aparıcı elmi işçi, i.f.d., dos. Sevda Seyidova “Azərbaycan Respublikasında məşğulluq səviyyəsinin təhlili və qiymətləndirilməsi”, kiçik elmi işçi Rəfiqə Abdalova “Azərbaycan Respublikasında iqtisadi fəal qadınların məşğulluq səviyyəsi və quruluşunun təhlili və qiymətləndirilməsi”, böyük elmi işçi İntizar Qurbanova “Azərbaycan Respublikasında iqtisadi fəal gənclərin (19-25) məşğulluq səviyyəsi və quruluşunun təhlili və qiymətləndirilməsi” mövzuları üzrə hesabat məruzəsi ilə çıxış ediblər.
Sonra hesabatlar ətrafında müzakirələr aparılıb, təklif və tövsiyələr verilib.
