Oktyabrın 24-də Elm və Təhsil Nazirliyinin İqtisadiyyat İnstitutunda 5311.01 – “Müəssisələrin təşkili və idarə olunması” ixtisası üzrə elmi seminar keçirilmişdir. Seminarda Azərbaycan Texnologiya Universitetinin doktorantı Gülgün Zeynal qızı Abdiyevanın iqtisad üzrə fəlsəfə doktoru elmi dərəcəsi almaq üçün təqdim etdiyi “Yüngül sənaye müəssisələrində idarəetmə mexanizmlərinin təkmilləşdirilməsi” mövzusunda dissertasiya işinin müzakirəsi aparılmışdır.
İ.e.d. Aqil Əsədovun sədrliyi ilə baş tutan iclasda G.Abdiyeva dissertasiya işinin əsas məzmunu ətrafında geniş təqdimatla çıxış edib. Sonra rəyçilərin rəyi dinlənilib. İddiaçı sualları cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.org.az).
