Oktyabrın 14-də Elm və Təhsil Nazirliyinin İqtisadiyyat İnstitutunun nəzdində fəaliyyət göstərən 5307.01-“İqtisadi nəzəriyyə” ixtisası üzrə Elmi Seminar keçirilmişdir.
Seminarda iddiaçı, Ramazanov Səbuhi İdris oğlunun iqtisad üzrə fəlsəfə doktoru elmi dərəcəsi almaq üçün “İqtisadi münasibətlərin liberallaşdırılmasının iqtisadi artıma təsiri” mövzusunda dissertasiya işinin müzakirəsi aparılmışdır.
Professor Fuad Qənbərovun sədrliyi ilə baş tutan iclasda iddiaçı barədə Elmi Seminarın katibi, dos. Asif Mustafayev məlumat verib. S. Ramazanov dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsverməyə çıxarılıb, lakin tələblərə uyğun sayda müsbət səs toplaya bilmədiyi üçün növbəti müdafiə mərhələsinə tövsiyə olunmayıb (economics.org.az).
